OBITUARIO

Lembrando a don José Luis Portela Trigo

D. José Luis Portela Trigo

Foto: Xoan Carlos Gil

Ricardo Rodríguez Vicente / Salcidos

 Na mañá deste martes, 7 de abril de 2026, unha persoa veciña fíxonos partícipes do pasamento do reverendo don José Luis Portela Trigo.

 Don José Luis, como era coñecido por todo o mundo, nacera no verán de 1942 en Netos (Salcidos), no concello de A Guarda.

 O 29 de xuño de 1969, solemnidade de San Pedro e San Pablo, foi ordenado sacerdote na cidade de Vigo. Ás poucas semanas de recibir a ordenación foi nomeado ecónomo das parroquias de San Campio de Figueiró e Santiago de Estás. Un ano máis tarde faríase cargo tamén de San Pedro de Forcadela. Ao longo de máis de 55 anos D. José Luis, dedicou con magnanimidade a súa vida sacerdotal a cargo destas parroquias. Anos máis tarde – en xaneiro de 2022- foi nomeado administrador parroquial de San Vicente de Barrantes e Santa María de Pinzás.

 Ao longo do seu ministerio sacerdotal moitas e diversas foron as encomendas pastorais que D. José Luis afrontou con entusiasmo e alegría: profesor de relixión, párroco, ecónomo diocesano, arcipreste, cóengo fabriqueiro da Santa Iglesia Catedral de Santa María de Tui,...  

 Entre todo a diversidade de labores realizadas, temos que destacar o seu servizo á curia diocesana ao longo de 40 anos. 30 destes 40 anos “no Paraíso de Teis” como el adoitaba chamar ás oficinas do bispado situado na rúa Dr. Corbal, de Vigo. Na Curia e na diocese D. José Luis será lembrado con admiración e gratitude, entre moitas outras cousas, por confeccionar o Catálogo de Bens Inmobles e posteriormente o de Mobles da diocese Tui-Vigo.

 Traballo ímprobo que comezou en decembro de 1978 e levoulle a percorrer durante máis de 20 meses, cada recuncho da diocese para confeccionar o primeiro Catálogo diocesano de Bens e Inmobles de Galicia. Isto supúxolle xornadas maratonianas de moito coche, pouca comida e escaso sono para que despois de 96.200 kms -máis de dúas veces a circunferencia da Terra- a diocese tivese situadas, ordenadas e catalogadas as súas propiedades. 

 D. José Luis alén dun traballador nato, foi «un obreiro entregado na viña do Señor». E se ben é certo que os Bens Inmobles da Diocese son importantes, as almas sono moito máis.

 Así o testemuña o desvelo polas súas parroquias e a atención ao Santuario de San Campio de Lonxe. Un recinto único e singular, ao cal as persoas se achegan «para buscar a paz da alma, a axuda do ceo e a escoita do confesor» como sempre adoitaba repetir D. José Luis.

 Por moitos motivos - entre eles por haber nacido na mesma parroquia que el - coñecía a don José Luis e a súa familia.

 Ao longo da miña andaina vital tiven varias ocasións nas que conversei con don José Luis, apreciando na súa personalidade unha serie de valores que non é frecuente atopar en moitos seres humanos. Poderiamos citar varios exemplos e probablemente quedaríamos curtos, mais en todo caso, ao igual que moitas persoas que o trataron, ben como fregueses seus, ben como amigos, veciños, ou coñecidos, don José Luis era un ser humano activo e servicial. 

 Do seu labor dan boa fe os seus fregueses, pois era párroco de San Martín e San Campio de Figueiró; de Santiago de Estás, e de San Pedro, de Forcadela.

 Sit ei terra levis.

A GUARDA

A Casa dos Alonso vai acoller a exposición ‘Mar de ideas’  

• É unha mostra de tallas de madeira. Inaugurarase este venres, 10 de abril ás 19:00 horas  

Infogauda / A Guarda

  A exposición “Mar de ideas” de Xosé Manuel Rodríguez Mojón (Moxom), vai chegar a Casa dos Alonso. A inauguración será este venres, ás 19:00 horas. 

 “Mar de ideas” comprende unha escolma esculturas da súa traxectoria e tamén algunhas inéditas. O autor sinala que “como indica o título, as ideas para crear son para min como o mar: infinitas e inagotables”.  

Xosé Manuel Rodríguez Mojón (Moxom) abrazado a unha obra da súa autoría

Foto: X.G.

  Moxom é un artista autodidacta natural de Ourense. Iniciouse no mundo do cómic, na década dos oitenta. Posteriormente, en 1996, transformou moitos dos seus debuxos en pezas de madeira, ás que dotou de "movemento, orixinalidade e sensibilidade". Dese xeito leva máis de 30 anos tallando madeira. 

  Para Moxom, a madeira é un elemento moi cálido e con moitas posibilidades á hora de crear. "Como non me gusta cortar madeira viva adoito recoller o que encontro en camiños, na praia e despois míroos a ver se vexo posibilidades neles. Case sempre vexo formas que só teño que puír e facer saír á superficie. Talo o que ese pedazo de árbore ou arbusto suxíreme. Despois, ás veces, deixo as obras naturais para destacar as súas vetas, e outras veces píntoas e doulles unha aparencia máis humana. Depende do momento e do sentimento. O importante para min é darlles a esas pezas un pouquiño de vida. Espero conseguilo"

 Coa súa obra, configurada por máis de 3.000 pezas, ten realizado máis de 85 exposicións entre España e Portugal.  

  “Mar de ideas” poderase visitar dende o día 10 ata o día 24 de abril na Casa dos Alonso, de luns a venres de 9 a 15h.

CAMINHA

“Páscoa no Jardim” e “Maior Mesa de Páscoa” marcaram a Páscoa no Concelho de Caminha

A Maior Mesa de Páscoa levou milhares de pessoas a Vila Praia de Âncora

Foto: C.M.C.

Infogauda / Caminha

 “Páscoa no Jardim” e “Maior Mesa de Páscoa” trouxeram milhares de pessoas ao concelho no último fim de semana. A “Páscoa no Jardim” deu “vida” ao Parque 25 de Abril, em Caminha de 2 a 5 de abril, e a Maior Mesa de Páscoa levou milhares de pessoas a Vila Praia de Âncora, no dia 4 de abril. Dois eventos marcados pelo sucesso e que incentivam a fazer mais e melhor.

 A “Páscoa no Jardim”, um evento novo no concelho, que foi pensado para dar cor, alegria e vida ao Parque 25 de Abril, em Caminha, foi visitado por milhares de famílias, que participaram nas várias atividades divertidas, que tinham ao dispor. Em jeito de balanço, podemos dizer que foi um sucesso, quer pelo número de visitantes, quer pela opinião que as pessoas davam sobre o evento. Também os expositores se mostraram satisfeitos com os resultados. Este é mais um dos eventos que veio para ficar no nosso concelho.

 Foram 4 dias repletos de atividades, muito procuradas, com destaque para a caça aos ovos, o coelho está em casa e a hora do conto. No entanto, o arborismo e o insuflável foram as grandes atrações.

 É de sublinhar que as pessoas comentavam com a organização a importância de eventos como este para dinamizar o Parque 25 de Abril, um dos locais emblemáticos de Caminha até agora “sem” vida.

 A Maior Mesa de Páscoa, em Vila Praia de Âncora, também atraiu milhares de pessoas. Este ano, com a “Mesa da Mordomia”, a cargo do Grupo Danças e Cantares Regionais do Orfeão, mais de 90 expositores e cerca de 270 metros de mesa.

 Este evento é um retrato da “Mesa de Páscoa” do nosso concelho, onde não faltaram os doces típicos, bem como decorações temáticas, enchidos e artesanato.

 Para animar a Mesa contamos com: o Grupo Bombos de Vila Praia de Âncora; Academia de Música Fernandes Fão; Cantares Tradicionais de Âncora; Etnográfico de Vila Praia de Âncora; Grupo de Danças e Cantares da Serra d'Arga; Grupo de Cavaquinhos; Grupo de Bombos de S. Gonçalo de Dem; Academia de Dança e Música Tradicional de Caminha e Vilarelho e Grupo de Bombos Ritmos da Serra.

 Este evento é organizado pelo Movimento de Empresários do Concelho de Caminha e conta com o apoio da Câmara Municipal de Caminha, Junta de Freguesia de Vila Praia de Âncora e Arciprestado de Caminha.

O ROSAL

Aventura literaria chea de títeres e música con Tanxarina, no Rosal   

• A premiada compañía chegará con ‘A biblioteca galáctica contra a IA fantástica’ este domingo, 12 de abril, ás 19.00 h ao auditorio municipal  

‘A biblioteca galáctica contra a IA fantástica’, un espectáculo de teatro infantil que combina monicreques, música e aventura para reivindicar a amizade, a solidariedade e a defensa da lectura

Foto: Cedida

Infogauda / O Rosal 

 A imaxinación dáse cita no Rosal esta fin de semana. Tanxarina chegará este domingo, 12 ao municipio con ‘A biblioteca galáctica contra a IA fantástica’, un espectáculo de teatro infantil que combina monicreques, música e aventura para reivindicar a amizade, a solidariedade e a defensa da lectura. O espectáculo será ás 19.00 horas no auditorio municipal, con entrada aberta e destinada a público familiar con nenos e nenas de todas as idades.

 A través desta adaptación da novela de Carlos Labraña, a compañía narra para o público como o ratón bibliotecario Ramón Milano e a súa amiga Sara loitan por salvar a Toribio, Espantapaxaros Amigo e Lobo Namorado da influencia maléfica do profesor Smith e da súa IA fantástica. Unha comedia disparatada e chea de emoción que lembra á cativada a importancia da fantasía e da palabra escrita. 

 A alcaldesa do Rosal, Ánxela Fernández Callís, destacou a relevancia deste tipo de propostas culturais “nas que literatura e teatro se combinan para transmitir valores tan importantes coma a amizade e a solidariedade. Estas actividades tamén fomentan a lectura e a imaxinación, que son imprescindibles para o desenvolvemento das nosas nenas e nenos”. 

 A compañía galega Tanxarina Títeres, premiada coa Crítica 2024 e con máis de 40 anos de traxectoria, xunto co escritor Carlos Labraña, artífice dunha das voces máis premiadas do teatro infantil galego, fan desta función un evento imprescindible para toda a familia. A actuación forma parte das celebracións do 75 aniversario da editorial Galaxia e está pensada para conquistar ao público máis novo e aos adultos que acompañan.

TUI

O PP DE TUI ESIXE QUE SE APARTE TEMPORALMENTE AO CONCELLEIRO DE URBANISMO DAS SÚAS FUNCIÓNS ATA QUE SE ESCLAREZA A INVESTIGACIÓN POR PRESUNTO ACOSO LABORAL 

 O voceiro popular tamén esixe explicacións públicas do caso ao alcalde e á concelleira de Igualdade para saber que medidas internas se teñen adoptado para tratar con este caso. 

Nico Montes, voceiro do grupo municipal do Partido Popular de Tui

Foto: G.M.PP.

Infogauda / Tui

 O grupo municipal do PP de Tui esixe ao alcalde, Enrique Cabaleiro, que aparte temporalmente ao concelleiro de Urbanismo, Miguel Méndez, das súas funcións ao fronte de varios departamentos do Concello ata que se esclareza o caso de presunto delito de acoso laboral a unha funcionaria e polo que figura en calidade de investigado. 

 O voceiro popular, Nico Montes, indicou que se trata dunha causa, aberta polo Xulgado de Instrucción Número 2 de Tui, que se refire directamente ao funcionamento e as tarefas do propio Concello, polo que entende que, para non interferir na labor municipal, Miguel Méndez debería ser apartado das tarefas de goberno de xeito provisional ata que haxa unha resolución. 

 O concelleiro do PP considera que se debe actuar con mesura, para evitar posibles prexuízos posteriores ao edil socialista en caso de arquivo ou absolución, pero tamén recorda que no exercicio da función pública débese priorizar ante todo o bo funcionamento da institución á que se representa. 

 Por outro lado, o líder dos populares tudenses esixe ao alcalde e á concelleira de Igualdade explicacións públicas sobre o xeito no que está a actuar o Concello neste caso que afecta directamente ao seu funcionamento interno: “É lamentable que dende o Concello soamente se falara do tema unha vez apareceu na prensa e que soamente se fixera para restar toda credibilidade á denuncia, atacar á presunta vítima e incluso acusala directamente de ter incorrido nun delito de coaccións”. 

 “Resulta interesante que o señor Cabaleiro recorde que no ano 2019 se produciu una denuncia similar fronte ao entón alcalde, porque naquel intre tanto o propio señor Cabaleiro coma o grupo do BNG chegaron a convocar unha rolda de prensa para atacar ao entón alcalde con ese asunto, dándolle toda a veracidade á denunciante e sen amosar o respecto que agora piden á presunción de inocencia do investigado. Soamente teñen veracidade as denuncias cando os denunciados son os rivais políticos? É un pésimo exemplo para a cidadanía.” 

 O edil popular tamén lamenta a falta de medidas internas para abordar un caso coma este: “No ano 2020 aprobouse un Plan de Igualdade para o Concello de Tui que incluía dúas principais medidas internas dirixidas á corporación: un protocolo de prevención fronte o acoso, a iniciar en febreiro de 2021, e un plan de igualdade interno, a iniciar en xullo de 2022. Non consta que ditas medidas fosen desenvolvidas a esta data, pese a que xa non se incluíron no Plan de Igualdade de 2025. Tampouco nos consta que exista una canle interna de denuncias, nin que o alcalde abrira de oficio unha investigación con todas as garantías cando tivo noticia do caso, nin dende logo que dita investigación se levase a cabo por unha persoa imparcial e independente”. 

 Segundo destaca Nico Montes: “Resulta moi hipócrita que, dende as institucións, os políticos esixamos aos particulares e ás empresas cousas que non nos aplicamos a nós mesmos”. 

 Por todo o anterior, o PP de Tui esixe ao goberno local que, ademais de apartar provisionalmente ao edil investigado, se dean as explicación públicas que resulten necesarias para que a cidadanía saiba o que está a ocorrer no Concello e, tamén, que medidas internas existen para tratar casos coma este, co gallo de garantir a seguridade dos traballadores municipais.

TUI

O Camiño Portugués creceu nun 18% en marzo con respecto a 2025 

•  3.519 persoas percorreron esta vía o pasado mes. Tui foi o segundo punto de partida de todos os Camiños de Santiago

 

Grupo de persoas peregrinas ao seu paso por Tui

Foto: C.T.

Infogauda / Tui

 Máis de 3.500 persoas peregrinas teñen percorrido o Camiño Portugués ao seu paso por Tui o pasado mes de marzo. Foron en concreto  3.519 persoas, o que supón un incremento do 18% con respecto ao mesmo mes do pasado ano. Deste total o 71%, é dicir 2.149, eran estranxeiros, e o 29%, 1.032 persoas,  españois. Confírmase así o marcado carácter internacional desta ruta xacobea.  

 Tamén se rexistrou un incremento nestes tres primeiros meses do ano do 16% con respecto a 2025, xa que foron 4.921 os peregrinos e peregrinas que en xaneiro, febreiro e marzo realizaron o Camiño Portugués. Neste mesmo período, o Camiño Francés rexistrou 23.869 peregrinos e o Camiño Portugués da Costa 3.608, con incrementos similares aos do Camiño Portugués, o que confirma a tendencia de crecemento das rutas xacobeas.  

 Os datos do mes de marzo consolidan ademais o papel estratéxico de Tui nos Camiños de Santiago. A cidade mantense como o segundo lugar elixido polos peregrinos para iniciar a súa peregrinación, con 1.234 persoas, superada unicamente por Sarria, no Camiño Francés, con 7.376 peregrinos. Máis dun terzo dos peregrinos do Camiño Portugués, en concreto o 35,4%, escollen Tui para comezar o seu Camiño, atraídos pola súa situación estratéxica como porta de entrada en Galicia, polo seu patrimonio histórico e pola infraestrutura turística da cidade.  

 Esta tendencia tamén se mantén nas estatísticas anuais, nas que Sarria e Tui lideran como principais puntos de inicio da peregrinación neste ano 2026, seguidas de Porto e Ferrol.  

 En canto á procedencia dos peregrinos españois no mes de marzo, destacan Andalucía (324 peregrinos), Madrid (148), Comunidade Valenciana (119), Cataluña (94) e Castela e León (85). No ámbito internacional, os principais países de orixe foron Portugal (369 peregrinos), Alemaña (319), Estados Unidos (243), Italia (186) e Brasil (99).  

 Desde o Concello de Tui indican que “cómpre lembrar tamén que unha parte importante dos peregrinos do Camiño Portugués da Costa que chegan a Galicia fano a través do trazado que, desde Caminha, continúa por Vila Nova de Cerveira, Valença e Tui, reforzando o papel da nosa cidade como porta de entrada do Camiño Portugués en Galicia, aínda que estes datos non sempre aparecen reflectidos nas estatísticas da Oficina do Peregrino”.  

 A concelleira de Turismo e Patrimonio, Ana María Núñez Álvarez, destaca que “o Camiño Portugués mantén un crecemento sostido nos últimos anos e Tui consolídase como a gran porta de entrada e punto de inicio desta ruta, o que nos sitúa como a auténtica capital do Camiño Portugués”. A concelleira de Turismo sinala que “estes datos son moi positivos para a economía e o emprego na cidade, pero tamén supoñen unha responsabilidade para seguir traballando nun modelo de acollida hospitalaria, sostible e de calidade”.

VALENÇA DO MINHO

Valença promove sensibilização para o Autismo com foco nas famílias e na inclusão  

Vitor Salvador / Valença do Minho 

 O Agrupamento de Escolas Muralhas do Minho recebe no próximo 11 de abril, às 16h00, a sessão “Autismo: esclarecer, sensibilizar e incluir”, uma iniciativa que coloca no centro do debate as preocupações das famílias e a necessidade de uma comunidade mais informada, inclusiva e preparada.  

 Dirigida a pais, cuidadores, profissionais de educação e à comunidade em geral, a iniciativa pretende responder a dúvidas, combater preconceitos e reforçar o papel da escola e da sociedade na integração de crianças e jovens com autismo.  

 O programa reúne especialistas e testemunhos reais, proporcionando uma abordagem prática e próxima da realidade das famílias. Entre os temas em destaque estarão “O que é o autismo e o apoio às famílias”, apresentado pela Fundação AMA e a “Inclusão Escolar e Boas Práticas”, partilhada por um professor de educação especial, com enfoque em estratégias que promovem o sucesso educativo.  

 A sessão dará, ainda, a conhecer os “Projetos e Apoios Locais”, através de um representante do Município, evidenciando os recursos disponíveis na comunidade valenciana. Um dos momentos mais marcantes será a “Perspetiva das famílias”, com a participação da Fundação Pais, complementada por testemunhos de pais, mães e jovens com autismo, que irão partilhar experiências na primeira pessoa.  

 Este encontro pretende reforçar o compromisso da comunidade valenciana em promover a inclusão destas crianças e jovens, tanto no contexto escolar como na sociedade em geral.  

 A sessão é aberta ao público e resulta de uma parceria entre o Rotary Clube de Valença, a Câmara Municipal de Valença e a Fundação AMA Autismo. 

VALENÇA DO MINHO

Requalificação da Avenida da Juventude em Valença   

A intervenção prevê a reconfiguração total da avenida, com o reperfilamento da via e a repavimentação do pavimento, a par da modernização das principais redes de infraestruturas

Foto: C.M. V. do M.

Vitor Salvador / Valença do Minho

 Decorrem a bom ritmo as obras de requalificação da Avenida da Juventude, em Valença, numa intervenção municipal de cerca de 800 mil euros, que promete renovar a principal artéria da zona escolar e desportiva do concelho.  

 O Presidente da Câmara Municipal, José Manuel Carpinteira, deslocou-se ao local para acompanhar a evolução da obra e referiu que “esta era uma obra muito necessária de qualificação urbana e de reorganização funcional de uma via estruturante, que queremos mais moderna, funcional e humanizada”.  

 A intervenção prevê a reconfiguração total da avenida, com o reperfilamento da via e a repavimentação do pavimento, a par da modernização das principais redes de infraestruturas. Estão contempladas melhorias nas redes de drenagem de águas residuais e pluviais, bem como na rede elétrica. No âmbito da obra será, ainda, executado um novo ramal de abastecimento de água, a cargo da ADAM – Águas do Alto Minho, num investimento de 50 mil euros, suportado por esta entidade.  

 A avenida manterá os dois sentidos de circulação, contará com uma reorganização dos lugares de estacionamento e com passeios renovados. Junto dos principais equipamentos públicos serão instaladas passagens pedonais elevadas, em pavimento vermelho, funcionando como plataformas de acalmia de tráfego, aumentando a visibilidade dos peões e incentivando à redução da velocidade automóvel.  

 Trata-se, por isso, de uma obra estruturante para a qualificação urbana e para a melhoria das condições de mobilidade nesta área da cidade.  

 Para o presidente da Câmara Municipal, José Manuel Carpinteira, esta era “uma obra muito necessária de qualificação urbana e de reorganização funcional de uma via estruturante da cidade, que queremos mais moderna, funcional e humanizada”.  

 Com esta intervenção, a Avenida da Juventude prepara-se para ganhar uma nova imagem urbana, mais segura, moderna e funcional, reforçando o seu papel como eixo central da vida escolar, desportiva e comunitária de Valença.

VIGO

A Xunta de Galicia detecta un novo foco de gripe aviaria en aves silvestres no concello de Vigo 

•  Este foco corresponde a un exemplar de gaivota patiamarela que foi trasladado ao Centro de Recuperación de Fauna Silvestre de Cerdedo Cotobade  

•  Cómpre lembrar que en Galicia non hai ningún caso desta doenza en aves de curral  

•  Recentemente foi levantado o confinamento de aves, así como outras medidas preventivas en gran parte do territorio, coa excepción dos 40 municipios galegos incluídos nas Zonas de Especial Risco (ZER) e Zonas de Especial Vixilancia (ZEV) 

Gaivota patiamarela (Larus michahellis)

Foto: José Marques

Infogauda / Vigo

 A Consellería do Medio Rural vén de comunicar ao Ministerio de Agricultura, Pesca e Alimentación (MAPA), a través da Rede de Alerta Sanitaria Veterinaria, a detección dun exemplar de ave silvestre afectado por influenza aviaria de alta patoxenicidade (IAAP). Trátase dunha gaivota patiamarela (Larus michahellis) atopada no concello de Vigo (Pontevedra) e trasladada ao Centro de Recuperación de Fauna Silvestre de Cerdedo Cotobade, dependente da Consellería de Medio Ambiente e Cambio Climático.  

 A ave foi mostrexada para proceder á súa análise laboratorial, con resultado confirmado positivo a IAAP polo Laboratorio Central de Veterinaria de Algete (Madrid), eliminándose o cadáver conforme á normativa en vigor. Con este novo foco, son sete os confirmados en aves silvestres en Galicia no ano 2026. Cómpre lembrar que, polo de agora, non se rexistrou ningún caso de IAAP en aves de curral na nosa comunidade.  

 Con respecto á situación en España, no actual período de vixilancia anual (desde o primeiro de xullo de cada ano), o número de focos en aves silvestres notificados por España ascende a 166 (14 deles corresponden a aves detectadas desde o 1 de xaneiro de 2026), un número inusualmente elevado comparado cos datos de anos anteriores, aínda que nas últimas semanas a circulación do virus influenza diminuíu notablemente en toda España e no resto de países da Unión Europea.  

Medidas preventivas en 40 concellos galegos 

 A mellora na situación de risco epidemiolóxico en España motivou que, desde o día 1 de abril, o Ministerio de Agricultura, Pesca e Alimentación modificara as medidas preventivas vixentes desde o pasado 13 de novembro tendentes a evitar o contacto directo ou indirecto das aves domésticas coas aves silvestres, entre outras o confinamento das aves de curral. Desde entón, estas medidas só son de aplicación en Galicia nos 40 concellos situados nas denominadas Zonas de Especial Risco ZER (11 concellos) e Zonas de Especial Vixilancia (ZEV) (29 concellos).  

 As ZER están conformadas polos concellos da Illa de Arousa, Cambados, O Grove, Meaño, Ribadumia, Sanxenxo, Vilanova de Arousa, Xove, Cerceda, Ordes e Tordoia. As ZEV inclúen os municipios de Cariño, Dumbría, Mazaricos, Ortigueira, Porto do Son, Rianxo, Ribeira, Vimianzo, Zas, Ribadeo, Trabada, Porqueira, Rairiz de Veiga, Sandiás, Vilar de Santos, Xinzo de Limia, A Guarda, Marín, Meis, Moaña, O Rosal, Poio, Pontevedra, Redondela, Soutomaior, Tomiño, Tui, Vilaboa e Vilagarcía de Arousa.  

 Dada a relevancia do sector avícola en Galicia, e tendo en conta as actuais circunstancias, desde a Consellería do Medio Rural vólvese insistir na necesidade de estremar as medidas de bioseguridade das explotacións avícolas, tanto das industriais como das familiares, especialmente as destinadas a evitar o contacto con aves silvestres, así como intensificar a vixilancia das aves domésticas e silvestres, comunicando de inmediato aos Servizos Veterinarios Oficiais calquera sospeita da enfermidade. No caso das aves silvestres esta comunicación pódese levar a cabo a través do teléfono de atención á cidadanía 012.  

 Cómpre lembrar que o serotipo vírico detectado (H5N1) ten demostrado un limitado carácter zoonótico (contaxio a humanos), aínda que por un principio básico de bioseguridade, recoméndase non manipular aves atopadas enfermas ou mortas e comunicar o feito aos servizos veterinarios oficiais da Consellería do Medio Rural ou á Consellería de Medio Ambiente e Cambio Climático.

PONTEVEDRA

A SUBDELEGACIÓN DO GOBERNO DÁ A VOZ DE ALERTA POLOS ATROPELOS A PERSOAS MAIORES NA PROVINCIA  

PIDE AOS CONCELLOS QUE SE SUMEN Á CAMPAÑA DE INFORMACIÓN DA DIRECCIÓN XERAL DE TRÁFICO    

 

Abel Losada, subdelegado do Goberno en Pontevedra

Foto: S. do G.

Infogauda / Pontevedra

 O subdelegado do Goberno, Abel Losada, vén de dirixirse por carta aos 61 alcaldes e alcaldesas da provincia de Pontevedra para alertalos da problemática que está a xurdir este ano nas estradas da provincia, nas que se teñen producido un total de 6 falecementos no primeiro trimestre do ano. Deles, 5 eran persoas maiores que morreron atropeladas.  

 Losada explica a anormalidade estatística que supón esta cifra, que supera tódolos rexistros anteriores, e recorda aos concellos que xa hai un mes a Xefatura Provincial de Tráfico remitiulles un ofrecemento para sumarse á campaña da DXT sobre seguridade viaria. Como ata o de agora só se tiñan sumado os concellos de Vilaboa, Ribadumia, Pazos de Borbén, Covelo, Arbo e Ponteareas, o subdelegado reitera o ofrecemento reforzándoo cos datos dos atropelos producidos ao longo do que vai de ano. As sesións formativas, dirixidas específicamente ao colectivo de persoas maiores, van dar comezo en Vilaboa o próximo día 22.  

 Abel Losada conclúe facendo un chamado á prudencia nas estradas, tanto ás persoas que camiñan como ás que conducen, pois esta situación anómala debe corrixirse canto antes.  

 Carta remitida aos concellos

MAR

A CIG urxe desbloquear o expediente para o recoñecemento da xubilación anticipada ao persoal Gardacostas  

•  A falta de actuación da Xunta de Galiza -que non se adheriu ao procedemento- e do Goberno español mantén paralizada a tramitación e perpetúa a discriminación deste colectivo  

Imaxe dunha mobilización de persoal do Servizo de Gardacostas de Galiza demandando o recoñecemento de coeficientes redutores

Foto: Arquivo CIG

Infogauda / Santiago de Compostela

 A CIG volveu instar a activación do expediente para o recoñecemento de coeficientes redutores para o persoal do Servizo de Gardacostas de Galiza, reiterando a solicitude de reunión coa Dirección Xeral de Ordenación da Seguridade Social e pedindo tamén o amparo do Delegado do Goberno para que interveña e impulse unha tramitación que leva demasiado tempo paralizada.  

 O sector de Autonómica da CIG-Administración cualifica esta bloqueo de “inaceptábel”, despois de meses de esperar “a que a Xunta realizara a súa adhesión, logo que manifestara colaborar en comisión de seguimento”.  

 A CIG-Autonómica lembra que o persoal do Servizo de Gardacostas de Galiza realiza a súa actividade no mar, en condicións de especial dureza, pero non ten recoñecidos os coeficientes redutores para a xubilación anticipada que si se lle aplican a outros traballadores e traballadoras do mesmo ámbito. A situación foi exposta en múltiples ocasións, tanto no ámbito político como no administrativo, e mesmo chegou ao Congreso en dúas ocasións con propostas lexislativas directas (2017 e 2022) impulsadas pola CIG.   

As obrigas do mar, pero sen os dereitos do mar  

 Ao persoal de Gardacostas esíxenselle as mesmas condicións que ao persoal incluído no Réxime Especial do Mar: formación específica, recoñecementos médicos e requisitos para poder embarcar. Desenvolven funcións de inspección, salvamento e control en condicións de risco, e en moitos casos comparten medios e embarcacións con persoal que si está integrado nese réxime.  

 Porén, polo feito de seren funcionarios e funcionarias quedan excluídos dos dereitos asociados a ese ámbito laboral. Entre eles, o acceso á xubilación anticipada mediante coeficientes redutores.  

 A CIG-Autonómica salienta que non se trata só dunha cuestión de encadre xurídico, senón que ten consecuencias directas sobre a saúde do persoal, tanto do que embarca como do que desenvolve o seu traballo dende terra e porto. “O traballo implica desgaste físico continuado, exposición a condicións adversas e unha elevada esixencia ao longo do tempo. Co paso dos anos, ese desgaste acumúlase e agrávase, aumentando o risco de lesións e limitacións funcionais”, explican.  

 Aínda así, esta discriminación continúa prolongándose no tempo “e cada intento remata sen resultado e cada nova vía no mesmo punto de inacción”.    

Da vía política ao bloqueo administrativo: dous anos de silencio  

 Tras do fracaso das iniciativas lexislativas, indicouse que o procedemento adecuado era o previsto no Real Decreto 1698/2011. Esa vía iniciouse formalmente en abril de 2024, cumprindo cos requisitos estabelecidos e seguindo as indicacións da propia administración.   

 Porén, desde ese momento, non se produciu ningún avance. “Non existe comunicación oficial sobre o estado do expediente, non se solicitaron datos á administración empregadora e non se coñece ningunha actuación efectiva orientada a resolver a situación”, lamenta a CIG- Autonómica.   

 A este respecto, sinalan á responsabilidade das dúas administracións implicadas: o Goberno estatal, que mantén o procedemento administrativo paralizado na Dirección Xeral de Ordenación da Seguridade Social; e a Xunta de Galiza, pois como administración empregadora é responsábel das condicións nas que traballa este persoal.  

 Aínda así, non ten materializado unha actuación efectiva, nin coa iniciativa nin finalmente coa adhesión formal ao procedemento iniciado, a pesar de terse manifestado favorábel á súa tramitación no marco da comisión de seguimento. O abandono da Xunta, engade a representación da CIG, tamén se nota noutras materias como o atraso en aprobar as melloras da orde de horarios ou en cubrir as vacantes e resolver procesos.   

Falta vontade política  

 O sector de Autonómica da CIG reitera que outros colectivos con condicións de traballo comparábeis xa teñen recoñecidos os coeficientes redutores e no caso do persoal Gardacostas non se trata de falta de marco legal, nin de ausencia de procedemento, nin tampouco por falta de loita e reivindicación.   

 “O procedemento existe e está iniciado. As condicións de traballo están acreditadas, máis o que falta é actuar. Falla a vontade política das administracións”, afirman. Cada día que pasa “perpetúase unha discriminación coñecida e unha realidade que só require dunha decisión para ser resolta”.

ARCOS DE VALDEVEZ

Igreja do Barroco encheu para ouvir Rossini  

O Centro Interpretativo do Barroco acolheu a “Petite Messe Solennelle”, de Gioachino Rossini, interpretada pelo Coro Porto Ensemble e os Solistas da Ópera de Bolso

Fotos: C.M. A. de V.

Mónica Mota Lopes / Arcos de Valdevez

 O Centro Interpretativo do Barroco acolheu a “Petite Messe Solennelle”, de Gioachino Rossini, interpretada pelo Coro Porto Ensemble e os Solistas da Ópera de Bolso, num espetáculo integrado na programação da Semana Santa.  

 Sob a direção do Maestro António Sérgio Ferreira, e acompanhado pelo Piano e um Harmónio, o concerto de entrada gratuita transbordou sensibilidade e beleza lírica, deixando o público rendido à obra e ao talento dos interpretes.  

 O Presidente da Câmara Municipal, Olegário Gonçalves, marcou presença no espetáculo, sublinhando a importância da programação cultural do concelho, e reforçando o apoio da autarquia na construção de uma programação abrangente, para diversos públicos e idades.  

 A Semana Santa de Arcos de Valdevez abrangeu diversas celebrações, espalhadas pelo território, envolvendo várias instituições e a população em geral, e atraindo visitantes nacionais e internacionais.  

 Arcos de Valdevez continua a ser um território bastante procurado em épocas de celebração, sendo a Páscoa uma altura de grande interação com o concelho, potenciando a fé e o nosso património.

ARCOS DE VALDEVEZ

CIM Alto Minho entrega equipamentos à Associação Humanitária dos Bombeiros de Arcos de Valdevez  

A Comunidade Intermunicipal do Alto Minho (CIM Alto Minho) entregou diversos equipamentos de reforço das capacidades de intervenção da Proteção Civil

Foto: C.M. A. de V.

Mónica Mota Lopes / Arcos de Valdevez

 A Comunidade Intermunicipal do Alto Minho (CIM Alto Minho) entregou diversos equipamentos de reforço das capacidades de intervenção da Proteção Civil, numa cerimónia que decorreu em Vila Praia de Âncora e com a presença dos vários municípios.  

 A Câmara Municipal de Arcos de Valdevez esteve representada pelo Chefe de Gabinete da Presidência, Norberto Brito, que recebeu os novos equipamentos, entregando-os depois à Associação Humanitária dos Bombeiros Voluntários do concelho.  

 Através dos projetos ATEMPO (financiado pelo VI A POCTEP), e ReforçAM (apoiado pelo Programa Regional do Norte 2021 2027 (NORTE2030)), a CIM Alto Minho entregou meios considerados essenciais para reforçar a resposta em situações de emergência, a coordenação entre entidades e a capacidade de atuação no terreno.  

 Assim, foram entregues uma unidade autónoma para enchimento de cilindros de ar respirável, monitores interativos operacionais, tablets RugGear de uso tático e rádios portáteis SIRESP destinados aos serviços municipais de proteção civil.   

 A cerimónia oficial contou com a presença de representantes das várias corporações de Bombeiros e associações humanitárias, da Autoridade Nacional de Emergência e Proteção Civil, da Federação dos Bombeiros do Distrito de Viana do Castelo, vários autarcas do Alto Minho, do Presidente da CIM Alto Minho, António Barbosa, e do Vice-Presidente da Comissão de Coordenação e Desenvolvimento Regional do Norte (CCDR N), Pedro Machado. 

ARCOS DE VALDEVEZ

Festa em Honra de Nossa Senhora do Vale arrancou com passeio a cavalo e corrida de garranos  

A tradicional corrida de garranos, contou com 22 inscritos e proporcionou um grande espetáculo na pista de Nossa Senhora do Vale

Foto: C.M. A. de V.

Mónica Mota Lopes / Arcos de Valdevez

 A festa em honra de Nossa Senhora do Vale iniciou-se com um passeio a cavalo que reuniu cerca de 50 cavaleiros. Durante a manhã, os participantes percorreram a freguesia do Vale, desfrutando das suas paisagens.  

 Da parte da tarde, teve lugar a tradicional corrida de garranos, que contou com 22 inscritos e proporcionou um grande espetáculo na pista de Nossa Senhora do Vale.   

 O primeiro lugar foi conquistado pelo cavalo Naor, da quadra Pérola, montado por Joker Sara Rodrigues.  Em segundo lugar ficou Nitra, da quadra Nossa Senhora do Vale, montado por Inês Oliveira, e em terceiro lugar classificou-se Jakira, da quadra Casa do Foral, montado por Simon Machado.  

 A comissão de festas agradeceu a todos os cavaleiros que participaram neste primeiro evento e garantiu a continuidade desta iniciativa, com o objetivo de preservar as tradições mais antigas.  

 Para além destas iniciativas, as festividades incluíram a feira do gado, uma noite de arraial animada pelo grupo Curtisom e a atuação da Orquestra Panorama.  

 A Festa em Honra de Nossa Senhora do Vale termina esta terça-feira com as cerimónias religiosas, atuações de ranchos folclóricos e a participação do grupo de bombos da freguesia.

ARCOS DE VALDEVEZ

Soajo e Santuário de Nossa Senhora da Peneda em destaque na imprensa nacional 

 

Maria João Brito / Arcos de Valdevez

 Esta Páscoa, Soajo e o Santuário de Nossa Senhora da Peneda, estiveram em destaque em duas revistas de âmbito nacional, nomeadamente na Sábado e na Visão. 

 A Sábado fez referência a estas localidades de Arcos de Valdevez na rubrica “Sair, Comer, Visitar - Seis Roteiros Perfeitos para a Páscoa”, destacando a Eira dos Espigueiros e o Santuário da Nossa Senhora da Peneda como locais de visitação quase que obrigatórios no Alto Minho. 

 Já a Visão, no artigo dedicado a “Portugal a Pé - Nove Trilhos para descobrir o País Passo a Passo”, faz referência ao percurso “Romeiros da Peneda”, o qual “recupera um antigo caminho de devoção que atravessa o coração do Parque Nacional da Peneda-Gerês, por entre as aldeias graníticas e montanhas. O trilho começa na vila de Soajo, conhecida pelo conjunto de espigueiros de granito erguidos sobre uma enorme laje usada como eira comunitária”, cujo “destino é o Santuário de Nossa Senhora da Peneda, complexo religioso erguido no século XVIII num anfiteatro natural de montanha”, o qual “todos os anos, no início de setembro, (…) recebe uma das romarias mais antigas e concorridas do norte do País”. 

 Este reconhecimento por parte de duas prestigiadas publicações nacionais, vem reforçar o valor patrimonial, paisagístico e cultural de Soajo e do Santuário de Nossa Senhora da Peneda, afirmando Arcos de Valdevez como um destino de excelência para quem procura autenticidade, natureza e tradição. Seja pela riqueza histórica, pela beleza única das suas paisagens ou pela força das suas vivências religiosas, este território continua a conquistar quem o visita, convidando a descobrir, sentir e regressar.

ARCOS DE VALDEVEZ

Biblioteca Municipal assinalou o Dia Internacional do Livro Infantil 

A Biblioteca Municipal assinalou, no dia 1 de abril, o Dia Internacional do Livro Infantil

Foto: C.M. A. de V.

Maria João Brito / Arcos de Valdevez

 A Biblioteca Municipal assinalou, no dia 1 de abril, o Dia Internacional do Livro Infantil com um conjunto de iniciativas dedicadas à promoção da leitura junto dos mais novos, contando com a presença da vereadora da Educação, Marlene Barros. 

 O programa iniciou-se com as sessões “Histórias cantadas e ilustradas”, dinamizadas por Bolinha de Música, com ilustração em simultâneo pelo ilustrador Carlo Giovani. Estas sessões proporcionaram momentos de grande envolvimento e criatividade, combinando música, narração e expressão visual em tempo real. 

 A primeira sessão contou com a participação de cerca de 93 crianças provenientes da Pousadinha e da Santa Casa. Já a segunda, reuniu aproximadamente 89 crianças dos jardins de infância de Guilhadeses e do Centro Social e Paroquial. 

 No final destas atividades as crianças tiveram oportunidade de visitar a exposição “O Nosso Primeiro Livro”, que foi também inaugurada neste dia. A mostra reúne trabalhos realizados pelas crianças dos jardins de infância privados do concelho, consistindo em criativos livros em formato acordeão, elaborados pelos mais pequenos. 

 Cada peça exposta reflete a imaginação, dedicação e talento das crianças, numa iniciativa preparada com muito carinho pela equipa da biblioteca. A exposição encontra-se patente ao público até ao próximo dia 18 de abril. 

 A Biblioteca Municipal mantém, há vários anos, a tradição de assinalar esta data, convidando as crianças dos jardins de infância privados a visitar este espaço cultural. Em cada edição, é apresentada uma proposta diferente, sempre centrada no livro infantil e no seu papel fundamental no desenvolvimento das crianças. 

 Para além de celebrar este dia de forma festiva e memorável, a Biblioteca promove regularmente o gosto pela leitura desde a infância, através de atividades de enriquecimento desenvolvidas com os jardins de infância públicos e privados nas suas instalações ou na Biblioteca. Ao longo do ano letivo, são realizadas cerca de 140 sessões de leitura em voz alta, contribuindo para a formação de leitores desde tenra idade.

A GUARDA

Confraría da Guarda e Ormaluga lamentamos un novo accidente na costa guardesa 

Zona do accidente da embarcación Calano que envorcou, quedando coa quilla ao sol

A embarcación Calano foi remolcada ata o porto da Guarda por un pesqueiro

A embarcación Calano ao carón do peirao

Nacho Carballal Miñán* / A Guarda

 A Confraría de Pescadores da Guarda e a Organización de Mariñeiros/as Luso Galaica queremos expresar a nosa fonda preocupación por un novo accidente rexistrado na costa guardesa, tras o sinistro sufrido na mañá de onte pola embarcación Calano, nun dos treitos máis complexos e perigosos do litoral galego. 

 O esencial é que os dous tripulantes puideron ser rescatados e atópanse fóra de perigo. Queremos trasladar o noso agradecemento a todos os medios de rescate e profesionais que interviron neste operativo. Situacións coma esta fan que nos deamos conta da importancia de contar con servizos públicos fortes e preparados para atender situacións de emerxencia. Máis moi especialmente, queremos pór en valor a solidaridade e coraxe dos propios profesionais do mar que, á súa conta e risco, se botaron ao mar para auxiliar aos mariñeiros accidentados, participando activamente tanto no rescate como nas manobras de recuperación da embarcación, que xa se atopa en porto. 

 Este novo accidente volve poñer enriba da mesa unha realidade que vai máis alá dun feito puntual. A costa da Guarda presenta unhas condicións especialmente adversas, cunha exposición directa ao Atlántico que se ve agravada polos episodios de mala mar, cada vez máis frecuentes e intensos. Este inicio de 2026 caracterizouse por unhas condicións meteorolóxicas especialmente duras, que golpearon moi fortemente ás preto de 100 familias que formamos parte do sector da pesca artesanal na Guarda. 

 Porén, máis alá da perigosidade natural, existe un factor determinante que agrava esta situación: o noso afastamento xeográfico dos medios de rescate. A combinación de mar aberto, correntes e afastamento dos puntos de intervención implica que, en moitas ocasións, os primeiros en actuar sexan outros profesionais do mar, como aconteceu novamente no caso do Calano. Este accidente vense a sumar a moitos outros que o preceden e debería levarnos tanto ao propio sector como ás administracións implicadas a un debate serio en torno a aspectos como: 

• A desigualdade de risco entre zonas abrigadas e zonas abertas como A Guarda. 

• A relación directa entre exposición, sinistralidade e tempos de resposta. 

• A necesidade de reforzar e descentralizar os medios de salvamento, achegándoos a puntos especialmente vulnerables do litoral.  

 Pasado este susto, que estremeceu a toda a vila da Guarda, a Confraría seguirá a reivindicar unha modificación profunda na política pesqueira da Xunta de Galicia, especialmente no referente á pesca artesanal, onde se require unha maior adaptación á realidade de cada zona pesqueira, un diálogo constante co sector e unha política con altura de miras que permita abordar os retos dun cambio climático que cada vez nos golpea de forma máis directa.  

 Finalmente, queremos agradecer as múltiples mostras de apoio recibidas e trasladar todo o noso ánimo aos compañeiros afectados e ás súas familias, desexándolles unha pronta e completa recuperación.

* Vicepatrón segundo da Confraría de Pescadores Santa Tecla, e presidente da Organización de Mariñeiros/as Luso Galaica (Ormaluga)

A GUARDA

O contacontos “A arte de emocionarte” chegará o 18 de abril á Biblioteca Pública Municipal da Guarda   

• As inscricións estarán abertas para nenos e nenas de 5 a 12 anos 

 

Infogauda / A Guarda 

 A Biblioteca Pública Municipal da Guarda vai celebrar o próximo Día do Libro, 23 de abril, coa actividade "A arte de emocionarte".  

 Que os nenos/as aprendan a poñer nome as súas emocións é unha das bases dunha boa intelixencia emocional. A través dos contos podemos identificalas, adestralas, converténdoos así en adultos máis felices e preparados para enfrontarse a moitas situacións na súa vida.  

 Este contacontos está dirixido a nenos e nenas de 5 a 12 anos, e será o sábado, 18 de abril ás 12:00h na Biblioteca Pública Municipal da Guarda.  

 A actividade precisa inscrición previa a través do teléfono 986 61 18 50, no correo aguarda.rbgalicia@eidolocal.es ou de xeito presencial en horario de biblioteca.